У Дзяржаўным музеі гісторыі беларускай літаратуры ў Мінску 17 лютага адкрылі літаратурна-мастацкую выставу “Чароўных слоў увасабленне. Легенды, паданні і казкі Віцебшчыны ў беларускіх маляваных дыванах”.
Гэтая экспазіцыя падрыхтавана ў межах музейнага праекта “Рэгіёны” сумесна з Віцебскім абласным метадычным цэнтрам народнай творчасці.
Да публічнага агляду прадстаўлена калекцыя маляваных дываноў майстроў з 14 раёнаў Віцебскай вобласці, якія займаюцца вывучэннем, адраджэннем і папулярызацыяй гэтага віда дэкарытыўна-прыкладнога мастацтва. Работы ў экспазіцыі з’яўляюцца адлюстраваннем твораў беларускай фальклорнай літаратурнай спадчыны.
Выстава маляваных дываноў, якая будзе дзейнічаць ў сталічным музеі да 20 красавіка, падрыхтавана пры падтрымцы Міністэрства культуры Беларусі і ўпраўлення культуры Віцебскага аблвыканкама.© Авторское право «Витьбичи». Гиперссылка на источник обязательна.