Выстава «Легенды, паданні і казкі ў маляваных дыванах Віцебскага Паазер’я» працуе у ВАМЦНТ

logo
Четверг, 28.10.2021 14:00 | Рубрика: Культура
02227

29 кастрычніка ў 15.00 у выставачнай зале Віцебскага абласнога метадычнага цэнтра народнай творчасці (ВАМЦНТ) адбудзецца адкрыццё літаратурна-мастацкай экспазіцыі ”Легенды, паданні і казкі ў маляваных дыванах Віцебскага Паазер’я“.

Выстава падрыхтавана Віцебскім АМЦНТ сумесна з Дзяржаўным музеям гісторыі беларускай літаратуры (Мінск) у межах музейнага праекта ”Рэгіёны“.

Экспазіцыя прадстаўляе калекцыю маляваных дываноў майстроў з 14 раёнаў Віцебскай вобласці.

На Віцебшчыне адраджэнне гэтага віда дэкаратыўна-прыкладнога мастацтва пачалося ў 1980-х гадах. З таго часу установы культуры мэтанакіравана праводзяць работу па вывучэнні, адраджэнні і папулярызацыі маляваных дываноў. У кожным з іх знайшлі ўвасабленне творы фальклорнай літаратурнай спадчыны Беларусі – легенды, паданні і казкі Віцебшчыны.

Беларускія маляваныя дываны прызнаны важнай часткай нацыянальнай культурнай спадчыны сучаснай Беларусі і ўнесены ў Дзяржаўны спіс гісторыка-культурных каштоўнасцяў Рэспублікі Беларусь.

Выстава ў Віцебскім АМЦНТ будзе працаваць да 24 лістапада.

© Авторское право «Витьбичи». Гиперссылка на источник обязательна.

Автор: Падрыхтавала Наталля МАРТАВА.
Оставить комментарий
Текст сообщения*
Обновить Защита от автоматических сообщений