Пры падтрымцы ўпраўлення спорту і турызму аблвыканкама прайшоў міжнародны турнір па галболе на Кубак прадпрыемства “Элект” ГА “БелТІЗ”.
Спаборніцтвы, у якіх удзельнічалі людзі з інваліднасцю па зроку, адбываліся ў зале фізкультурна-спартыўнага комлекса “Лакаматыў”. У іх узялі ўдзел каманды з нашай краіны і Расійскай Федэрацыі. Канкурэнцыю мужчынам склала і жаночая дружына “Электа”, якая аказала дастойнае супраціўленне ўсім сапернікам. У выніку кубак дастаўся калектыву з Тульскай вобласці. Тройку прызёраў таксама склалі мужчынскі “Элект” і “Ціфлос” з Магілёва. Іх прадстаўнікі атрымалі дыпломы і медалі. Арганізатары адзначылі дапамогу ў правядзенні спаборніцтваў валанцёраў з ВДУ імя П. М. Машэрава, а таксама Віцебскага філіяла Беларускай дзяржаўнай акадэміі сувязі.
© Авторское право «Витьбичи». Гиперссылка на источник обязательна.