Сёння ў новым віцебскім мікрараёне Білева на перакрыжаванні вуліц Генерала Іваноўскага і Баграмяна адбылася кансэкрацыя (пасвячэнне) касцёла святога Ігнацыя Лаёлы. У дзень пасвячэння парафіяне і госці з розных мясцін Беларусі сабраліся на пляцоўцы перад святыняй.
Урачыстую імшу асвяціў біскуп Віцебскі Алег Буткевіч.
Парафія існуе з 2005 года, аднак літургіі даводзілася праводзіць у прыстасаваным памяшканні, таму размова пра будаўніцтва бажніцы ішла даўно.
Архітэктурныя формы касцёла маюць досыць нязвыклы для католікаў сучасны стыль, аднак такім чынам ён больш арганічна ўпішацца ў навакольныя жылыя новабуды. Да таго ж гэта значна скараціла тэрміны яго ўзвядзення. Акрамя малітоўнай часткі святыня мае класы і залы для рэлігійных заняткаў. Варта адзначыць, што яна была збудавана за кошт сродкаў ахвярадаўцаў.
© Авторское право «Витьбичи». Гиперссылка на источник обязательна.