21 сакавіка / "Віцьбічы" / Юлія Прышчэпа /. З пачатку сакавіка ў выставачнай зале абласной установы культуры працуе выстава-продаж «Свет жанчын». На ёй прадстаўлены наборы ўпрыгожванняў, завушніцы, каралі, бранзалеты, пярсценкі, ільняныя торбачкі, хусткі і шмат іншых вытанчаных вырабаў на любы густ.
Непаўторныя ўпрыгожванні падрыхтавалі лепшыя майстры народных мастацкіх рамёстваў Віцебскай вобласці. Яны ўдала спалучылі ў сваёй працы розныя стылі і матэрыялы. Аднолькава прыгожымі атрымаліся вырабы з саломкі, бісеру, эпаксіднай смалы і палімернай гліны.
На выставе можна набыць любы сувенір сабе ці блізкім.
Выстава «Свет жанчын» будзе працаваць у абласным метадычным цэнтры народнай творчасці да 28 сакавіка.
© Авторское право «Витьбичи». Гиперссылка на источник обязательна.
