Традыцыйна на каталіцкія Каляды ў катэдральным касцёле Езуса Міласэрнага адбываецца сустрэча біскупа Алега Буткевіча з прадстаўнікамі абласной улады. Сёлета на ўрачыстасць завіталі старшыня абласнога Савета дэпутатаў Уладзімір Цярэнцьеў і дарадца старшыні аблвыканкама Міхаіл Даніленка.
Уладзімір Уладзіміравіч падараваў іерарху шыкоўны букет белых ружаў і адзначыў тую ролю, якую адыгрывае каталіцкі касцёл у грамадскім жыцці нашай вобласці, дзе ёсць значны працэнт вернікаў гэтай традыцыйнай для нашага рэгіёна канфесіі. Яе прадстаўнікі надаюць вялікую ўвагу працы як сярод людзей сталага веку, так і па патрыятычным выхаванні моладзі.
Біскуп падзякаваў і адзначыў, што вігілійная служба нездарма была праведзена ў Полацку, які сёлета адзначае юбілей: 500 гадоў таму ўраджэнец гэтага горада Францішак Скарына выдаў першую кнігу на беларускай мове. Скончылася мерапрыемства сяброўскім пачастункам.
© Авторское право «Витьбичи». Гиперссылка на источник обязательна.
