Важная падзея ў рэлігійным жыцці горада адбылася ў касцёле Езуса Міласэрнага — тут пачаў дзейнічаць першы ў Віцебску культурна-рэлігійны цэнтр, які запрашае на свае сустрэчы не толькі маладых вернікаў, але і ўсіх жадаючых далучыцца да Божага слова. У цэнтры працуе бібліятэка, якая змяшчае рэлігійную літаратуру на розных мовах, таксама залу для катэхізацыі, канферэнц-залу, кавярню. Тут за кубачкам кавы ўжо сёння збіраюцца маладыя людзі, спяваюць песні пад гітару, вядуць цікавыя гутаркі.Вялікую ролю ў з'яўленні гэтага месца адыграў ксёндз касцёла Раман Мурзіч. А адкрыўся цэнтр па ініцыятыве біскупа Віцебскай каталіцкай дыяцэзіі Уладзі-слава Бліна, які і выступіў перад параф'янамі на яго адкрыцці. Таксама на сустрэчы выступілі ансамблі «Традыцыя» і «Крынічка», «Піруэт», мастацкі калектыў «Маладыя лісточкі», гучалі вершы, дзеці паказвалі сцэнкі, гралі на цымбалах і проста радаваліся таму, што ў іх з'явілася магчымасць карысна і цікава праводзіць вольны час.
Алеся САМАТОЙ.
© Авторское право «Витьбичи». Гиперссылка на источник обязательна.
