81-летнюю пенсионерку, заблудившуюся в лесу, разыскивал весь отдел Шумилинского РОВД

Понедельник, 23.07.2018 11:42 | Рубрика: Происшествия
0145

18 ліпеня а 23-яй гадзіне ў дзяжурную часць Шумілінскага РАУС паступіла паведамленне з вёскі Казьяны: жанчына 1937 года нараджэння пайшла ў лес па ягады і не вярнулася дадому. У міліцыю за дапамогай звярнуліся блізкія зніклай.

Як паведаміў начальнік Шумілінскага РАУС Алег Калеснікаў, міліцыянеры выехалі на месца і з дапамогай сігнальных ракет спрабавалі прыцягнуць увагу, дапамагчы чалавеку знайсці выхад з лесу. Але ў той дзень бабуля так і не знайшлася.

Наступнай раніцай увесь аддзел па трывозе быў мабілізаваны на пошукі чалавека, якія вяліся сумесна з выратавальнікамі.

У выніку 81-гадовая жанчына знайшлася раніцай 20 ліпеня і была дастаўлена ў бальніцу. Яе здароўю нічога не пагражае.

Автор: Наталля ЧАРНІЧЭНКА.
Оставить комментарий
Текст сообщения*
Обновить Защита от автоматических сообщений