Тамара Краснова-Гусачэнка стала пераможцам у намінацыі «Паэзія» першага тура рэспубліканскага творчага конкурсу «Ліга аўтараў‑2018», арганізаванага Саюзам пісьменнікаў Беларусі і РГА «Белая Русь» пры падтрымцы Міністэрства інфармацыі Рэспублікі Беларусь і Выдавецкага дома «Звязда».
Першы этап конкурсу, мэта якога — выяўленне і падтрымка найбольш адораных аўтараў, быў прысвечаны Году малой радзімы. Тамара Іванаўна прадставіла на суд журы падборку выбраных вершаў, сярод іх — «Поставьте памятник деревне», «У боли за Отчизну нет конца», «Три родины» і іншыя, і стала абсалютным пераможцам. Яна прыме ўдзел у наступным туры — «Адзін дзень», куды трэба прадставіць творы пра важную з’яву свайго жыцця, а потым, калі пашанцуе, і ў трэцім. Вынікі конкурсу будуць падведзены ў канцы жніўня. Сярод удзельнікаў — літаратары з розных куткоў краіны.
© Авторское право «Витьбичи». Гиперссылка на источник обязательна.